Beu-taingat Peuninggai Endatu


 Peu yang naa lam pikiran gata maruwah bangsa watei neu ingat nariet hiem?

Hiem nyan na keuh salah saboeh seni sastera Aceh peuninggai Endatu geutanyoe nyang ka rap punah jinoe. Nyoe kareuna geutanyoe ka laloe ngon peng bicah, ditamah jameun pih kaa leu meu ubah dum kaa. Seuhingga geutanyoe kaa tuwoe keu seni budaya yang kaa awai tat-tat jameun geupeurunoe lei Endatu geutanyoe.

Nibak uroe nyoe, loen hawa neuk tuleih padup-padup boeh hiem di sinoe. Hiem di likeu nyoe naa keuh sebagian jih yang loen leungoe keudroe dari Nek loen tuan watei loen glah 2 SD awai, meunyoe hana salah loen thoen-thoen 1997 M meunan. Nek loen tuan nyang si uroe-uroe geu jak u peukan Kuta Faja, geujak meukat gulei-gulei reuboh keu lawan/teumoen buu. Nibak uroe minggu leuh seuboeh dua blah thoen likoe, Nek loen tuan geupreih becak honda likeu rumoh di Suak Bugeih. Oeh watei troeh becak nyan paih watei geu eik, loen tuan langsong loen moe meu “A…… a….. a….”. Karna di loen tuan naa keuh dilei wate SD sidroe aneuk yang kuat moe ngon ucei bak Nek. Hoe yang geujak Nek loen ikue.

Pakoen  kaa moe hai boeh hatei meutuah?”. Keun Nek sirang geu coem-com loen.

A…… a…… a “. Kukrik leubeih teuga dari bunoe loem.

“Oeu…..!!! Boeh hatei Nek, entreuk Nek puwoe raluki dari peukan bouh?”. Nek peugah sirang geupeu iem loen tuan moe.

Oeh leuh Nek peugah lagei nyan, ie mata loen pih hana roe lei. Yang naa tingat lam hatei loen cit raluki dari Nek puwoe.

“Beuuu…….bagah keuh Nek woe dari peukan”. Keun loen lam hatei teungoh meuein koep bruek ngoen wareih-wareih di Suak Bugeih.

Hana treip leuh meuien koep bruek, loen woe u rumoh Nek toe padang ban. Oeh watei troeh u rumoh, pruet pih kadeuk, loen jak u dapue. Kadang cit naa lawan buu mangat di sinoe. Paih tat, Mak loet (adek Mak) pih naa i rumoh.

“Mak Loe………..t, na lawan buu mangat i yup sangei?”. Tanyoeng loen teungoh heik ban woe meurawoeh. “Naa… Lawan buu Nek peugeit buklam, jak keunoe juu jeut Mak Loet suleung”. Jaweub Mak Loet.

Baroe limoeng boeh suleung Mak Loet suleung buu keu loen tuan, suu pop-pop becak honda kaa meusuu bak jalan likeu rumoeh. Hana ku teim pajoeh buu lei, bagah-bagah kujak kaloen; “Nyoe pasti Nek woe dari peukan”. Loen plung bagah-bagah watei loen kaloen dari pinto rumoh Nek katroeh woe dari peukan Kuta Faja.

Oeh Ban leuh loen tulong baa peutamong barang lam rumoh, Nek pih geujoh raluki motobak mameih ala Lam Kuta bak loen. Seunang hati loen uroe nyoe. Hana treip leuh peuhabeih motobak mameih nyan, loen pih kaa meuteungeut. Loen purubah rueng ateuh lumueng Nek. Aneuk mata loen sigeo-goe teupeit-peit han, Nek geudodi-ayon loen lam lumueng keuh. Hana jan teupeit aneuk mata katroeh Cut Yeuk aneuk Nek Bit (aneuk adek Nek) jak pakat loen jak meuein-meuein. Seugolom kamoe keumeu jak meuein-meuein, Nek peugah sikrek-dua hiem bak kamoe:

“Kuluu wasyrabu nikmat bak Tuhan

Mudah-mudahan lungkei naa dua

Siteungoeh umu, umu jih kaa tan

Siteungeoh watei tan umu jih kana”

 

Nyan keuh nyan hai cucoe meutuah salah saboeh keuneubah Endatu tanyoe.  Naa tateupeu lei gata nyan Nek peugah bunoe?. Nyan naa keuh buleun yang meulungkei dua/buleun sabeit. Nasehat Nek keu kamoe dua. Lagei nyan leuh geukheun saboeh hiem, kamoe dua pih kameugantuk, geukheun saboeh treuk keu peu eih kamoe:

“Bak saboh kitab 365 on
Si on-on dua blaih banja
Sibanja-banja lhee ploh boh titek
Soe nyang lisek cuba boh makna”


Nyoe keuh nyoe seumisei thoen, dua blaih buleun, 364 uroe hai cucoe Nek. 

Lagei nyan keun Nek peutroen keu kamoe sikrek-dua hiem keuneubah Endatu masa jameun keurajeun dilei. Troeh kamoe dua teungeut deungon lantunan hiem Nek hana geubi kamoe meurawoeh jioeh-jioeh rumoeh. Sama-sama geutanyoe meulakei nibak sidroe Poe Rabbana; adat, budaya waresan Endatu geutanyoe  yang karap punah, Seumoga beu seulamat ngoen beumupat punca teuma. Amin Ya Allah.

2 Tanggapan

  1. tulesan jih hayeu….

    tapi loen han meuphoem hiem nyan…
    heheheh

    • Terimong geunaseih ateuh kunjungan bak jambo loen..
      Hahahaha
      Kok bisa neupeugah hayeu?
      Katreip hana hana ceumeuceu, loen cuba ceu2 juu puu yang i tibit lam ulei…..

Silakan komentar sesuka Anda :)

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: